RAUNFÆRNIMAT

RAUNFÆRNIMAT

 

Raunfærni og raunfærnimat

Mat á raunfærni byggist á þeirri hugmynd að nám fari ekki eingöngu fram innan formlega skólakerfisins heldur við allskonar aðstæður og í alls konar samhengi. Allt nám er verðmætt og því mikilvægt að það sé skjalfest óháð því hvar þess hefur verið aflað. Raunfærni er því samanlögð færni sem einstaklingur hefur náð með ýmsum hætti, s.s. starfsreynslu, starfsnámi, frístundanámi, skólanámi, félagsstörfum og fjölskyldulífi.

Raunfærnimat er staðfesting og mat á raunfærni einstaklings án tillits til þess hvernig eða hvar hennar hefur verið aflað. Markmiðið er að einstaklingur fái viðurkennda raunfærni, sem hann býr yfir á ákveðnum tíma, þannig að hann þurfi ekki að sækja nám í því sem hann kann eða öðlist framgang í starfi. Raunfærnimatið staðfesti hans hæfni.

Raunfærnimat hefur verið í þróun víða um heim síðustu áratugi. Bandaríkin, Kanada, Ástralía og Holland eru oft nefnd sem leiðandi lönd í málaflokknum og er sífellt meiri áhersla lögð á raunfærnimat í Evrópu. Hugmyndafræðin um raunfærni og raunfærnimat er því alþjóðleg.

Raunfærnimat hefur sífellt fengið meira vægi með opnari aðgengi að þekkingu, sveigjanleika á vinnumarkaði og þörf fyrir sýnileika þekkingar. Einfalt er að tengja verkfærið við hugtakið Ævinám.

Hvað er raunfærnimat?

Raunfærni er samanlögð færni sem einstaklingur hefur náð með ýmsum hætti, s.s. starfsreynslu, starfsnámi, frístundanámi, skólanámi, félagsstörfum og fjölskyldulífi. Nám fer ekki eingöngu fram innan formlega skólakerfisins heldur við ýmsar aðstæður.  Allt nám er verðmætt og því er mikilvægt að það sé skjalfest óháð því hvar þess hefur verið aflað.

Nánari upplýsingar hér.

Hvar er hægt að fara í raunfærnimat?

Einfaldasta leiðin fyrir einstakling til að fá upplýsingar um raunfærnimat er að hafa samband við náms- og starfsráðgjafa sem starfa á símenntunarmiðstöð í hans heimabyggð. Frekari upplýsingar má nálgast á vefnum Næsta skref eða hér.

Share This