Hjá kennslumiðstöð FA er unnið að þróun kennsluaðferða í framhaldsfræðslu. Þar geta verkefnastjórar hjá símenntunarmiðstöðvum og mannauðs-/fræðslustjórar í fyrirtækjum fundið verkfæri sem styðja við hæfniþróun leiðbeinenda og aukið gæði í kennslu.
Hjá kennslumiðstöð FA má finna eftirtalin verkfæri:
Skilgreiningar á starfi leiðbeinenda/Starfaprófíll
- Starf leiðbeinanda í fullorðinsfræðslu var greint með aðferð FA til hæfnigreiningar starfs. Niðurstaða þeirrar greiningar er starfaprófíll.
Sjálfsmatslisti
- Inniheldur skilgreind hæfniviðmið starfs leiðbeinenda. Með því að fylla út sjálfsmatslistann gefst leiðbeinendum kostur á að meta eigin hæfni. Hæfni leiðbeinenda er skilgreind á þremur stigum þar sem hæfnikröfur aukast frá stigi 1 til 3.
Vegvísir
- Er lifandi gagnagrunnur yfir námskeið og aðrar mögulegar leiðir til að auka við hæfni leiðbeinenda.
Þeir sem sinna fræðslumálum og ráðningum í störf eru hvattir til að benda leiðbeinendum í sínum á verkfæri kennslumiðstöðvar. Benda þeim á að fara í gegnum sjálfsmatslistann til að meta hæfni sína og vegvísinn til að finna leiðir til að bæta hæfni sína.
Sjálfsmatslisti og vegvísir voru unnir á grunni hæfnigreiningar starfsins og þróaðir í samstarfi við Háskóla Íslands.
Starfaprófíll, sjálfsmatslisti og vegvísir eru til þess fallnir að styðja við að gæðaviðmiðum EQM gæðavottunar fyrir fræðslu sé mætt.
Nánari upplýsingar má nálgast hjá frae@frae.is