Hvert stefnir fullorðinsfræðslan?

Fræðslumiðstöð Atvinnulífsins, Háskóli Íslands og Félags- og vinnumarkaðsráðuneytið bjóða til vefstofuraðar

Framundan er endurskoðun löggjafar um framhaldsfræðslu á Íslandi. Í því tilefni er boðið upp á stutta röð vefstofa með viðtölum við bæði erlenda og innlenda sérfræðinga um stefnu á sviði fullorðinsfræðslu. Um er að ræða alþjóðlegar stefnur, evrópskar stefnur og íslenskar stefnur um fullorðinsfræðslu. Vefstofuröðin endar síðan með umfjöllun um hvernig stefna i fullorðinsfræðslu geti stutt við skapandi ferli í fræðslu. 

Við hjá Fræðslumiðstöð atvinnulífsins og Félags- og vinnumarkaðsráðuneytinu bjóðum  í samstarfi við nemendur í námslínunni Nám fullorðinna við Háskóla Íslands til vefstofuraðar.

Framundan er endurskoðun löggjafar um framhaldsfræðslu á Íslandi. Í því tilefni er boðið upp á stutta röð vefstofa með viðtölum við bæði erlenda og innlenda sérfræðinga um stefnu á sviði fullorðinsfræðslu. Um er að ræða alþjóðlegar stefnur, evrópskar stefnur og íslenskar stefnur um fullorðinsfræðslu. Vefstofuröðin endar síðan með umfjöllun um hvernig stefna i fullorðinsfræðslu geti stutt við skapandi ferli í fræðslu. 

Nú er komið að vefstofu tvö

Þriðjudaginn 4. október kl. 13:00 til 14:00 mun Ellen Boeren prófessor við háskólann í Glasgow gefa okkur innsýn í evrópskar stefnur í fullorðinsfræðslu.

Ellen Boeren, prófessor við háskólann í Glasgow

Ellen Boeren er prófessor í fullorðinsfræðslu við háskólann í Glasgow og hefur mikla reynslu af samanburðarrannsóknum á sviði ævimenntunar. Áherslur hennar í rannsóknum hafa verið á sviði þátttöku fullorðinna í skipulögðu námi í Evrópu. Þá hefur hún komið að mörgum yfirlits og samanburðarverkefnum fyrir Evrópusambandi, OECD og UNESCO og fleiri. 2016 gaf Boeren út yfirlitsbók yfir rannsóknir á þátttöku í fullorðinsfræðslu, Lifelong Learning Participation in a Changing Policy Context An Interdisciplinary Theory. Fyrir hana fékk hún ein virtustu verðlaun á sviðinu: „Cyril O. Houle Award for Outstanding Contribution to the Adult Education Literature“ Bókin nýtist sérlega vel fólki sem kemur að skipulagningu fullorðinsfræðslu og stefnumótun. Undanfarin þrjú ár var hún ritstjóri „Adult Education Quarterly“ eins virtasta tímaritsins á sviði rannsókna á fullorðinsfræðslu almennt.

Ellen mun gefa okkur innsýn í evrópskar stefnur um fullorðinsfræðslu og þau áhrif sem þær hafa haft á nám fullorðinna í Evrópu. Rannsóknir hennar á þátttöku og þekking á starfsemi margra alþjóðastofnana í tengslum við fullorðinsfræðslu gefa henni sérstaklega áhugavert sjónarhorn á þau stefnumeðul sem hafa haft áhrif í löndum Evrópu.

Hér er slóð í fundarherbergið

Hér er að finna frekari upplýsingar um vefstofuna

Nánar um dagskrá vefstofuraðar hér


Fyrsta vefstofa var fimmtudaginn 29. september kl. 11:00 þar sem Glenda Quintini frá OECD fjallar um Alþjóðlegar stefnur í fullorðinsfræðslu (e. Gobal policies on adult education)

Glenda Quintini yfirhagfræðingur OECD

Glenda Quintini er yfirhagfræðingur hjá OECD og hefur yfirumsjón með vinnu stofnunarinnar um hæfni á vinnumarkaði og félagsmál. Hún leiðir teymi hagfræðinga sem skoðar hvernig færniþarfir á vinnumarkaði eru að breytast og hvernig megi finna skilvirk viðbrögð við þeim í stefnumótun, einkum á sviði fullorðinsfræðslu og vinnustaðanáms. Teymi Glendu leggur einnig sitt af mörkum til útfærslu, frekari þróunar og greiningar PIAAC könnunar OECD og stjórnar nú þróun verkfæra fyrir atvinnurekendur til að greina færnibil. Verkefni á ábyrgð Glendu fela í sér bæði landssértækar greiningar og samanburðarransóknir sem ná til bæði landa innan OECD og til þróunarlanda. Sem hluta af rannsóknaráætluninni um færni hefur Glenda lagt mikla áherslu á breyttar þarfir vinnumarkaðarins fyrir færni, misræmi í færni, beitingu færni í starfi og tengingar þess við vinnutengt nám.

Á vefstofunni mun Glenda vera til viðræðu og gefa þátttakendum yfirsýn yfir þróun alþjóðlegrar stefnumótunar um fullorðinsfræðslu og hvernig þær hafa haft áhrif á stefnu einstakra landa. Sömuleiðis mun hún fræða okkur um áhrif stefnumótunar á fræðslustarfsemi í einstökum löndum og útkomu fullorðinsfræðslunnar almennt. Hún mun koma inn á hvernig stefnur um fullorðinsfræðslu ávarpa samfélagslegar áskoranir og hvaða verkfæri í stefnum um fullorðinsfræðslu hafi reynst vel.


Skráðu þig á póstlista Fræðslumiðstöðvarinnar