FA vinnur með erlendum og innlendum sérfræðingum auk ráðgjafa framhaldsfræðslunnar að þróun náms- og starfsráðgjafar fyrir markhópinn.  FA hefur tekið þátt í erlendum samstarfsverkefnum um ráðgjöf sem miðlað er áfram til samstarfsaðila. Afurðir verkefnanna eru nýttar á vettvangi framhaldsfræðslunnar og þróaðar áfram eftir þörfum.

Á árinu 2006 gerðu Fræðslumiðstöð atvinnulífsins og símenntunarmiðstöðvar um land allt með sér samninga um náms- og starfsráðgjöf á vinnustað. Í samningunum felst að náms-og starfsráðgjafar á vegum símenntunarmiðstöðva fara á vinnustaði á heimaslóðum sínum, kynna ráðgjöfina og veita einstaklingsviðtöl um nám og störf. Áhersla er lögð á að hvetja fólk til virkrar símenntunar.

Nánari upplýsingar um símenntunarmiðstöð í þinni heimabyggð má finna hér og á vefnum Næsta skref.