HÆFNIGREININGAR

 

Námskeið fyrir umsjónarmenn greininga

Námskeið fyrir umsjónarmenn greininga 

Hjá FA eru haldin námskeið fyrir þá starfsmenn samstarfsaðila okkar sem hafa hug á að gerast umsjónarmenn greininga eða vilja kynnast því hvernig greiningarnar fara fram. Námskeiðin eru þátttakendum að kostnaðarlausu. 

Námskeiðið fer fram með fyrirlestrum, umræðum, hópvinnu og verkefni í samræmi við vinnubrögð í hæfnigreiningum FA. 

Hlutverk og verkefni umsjónarmanna eru nánar útfærð í handbók fyrir umsjónarmenn greininga sem er notuð sem námsefni. Gert er ráð fyrir því að námsmenn hafi fyrir námskeiðið kynnt sér aðferðina með því að lesa kynningarefnið og handbókina sem FA sendir námsmönnum. 

Námsmönnum eru kynntar þær reglur sem gilda milli FA og samstarfsaðila um um afnot af gögnum vegna greiningar á hæfni­kröfum starfa og farið yfir það hvernig samstarfi er háttað í greiningarverkefnum. 

Námsmönnum er boðið upp á sjálfsmat til að meta stöðu sína að námskeiði loknu. 

Námskeið er alls 10 klst. Auk þess er gert ráð fyrir undirbúning námsmanna u.þ.b. 3-6 klst. Gert er ráð fyrir að þátttakendur sitji allt námskeiðið. 

Til að verða umsjónarmaður greininga þarf að hafa sótt þetta námskeið eða aðra samsvarandi fræðslu til FA. 

Mikilvægt er að umsjónamenn hæfnigreininga viðhaldi þekkingu sinni. Ef langur tími líður milli námskeiðs og fyrstu hæfnigreiningar eða milli einstakra hæfnigreininga þá getur verið ástæða til að sækja endurmenntun til FA. Sjálfsmatslistar sem notaðir eru á námskeiðum geta verið gagnlegir til að meta þörf fyrir endurmenntun.  

FA mun bjóða upp á endurmenntun og upprifjunarnámskeið eftir atvikum og getur FA gert kröfu um þátttöku í þeim ef aðferðin breytist að ráði eða ef viðkomandi hefur ekki haft tök á að viðhalda þekkingu sinni. 

Hér má nálgast nánari lýsingu á námskeiðinu og sjálfsmat:

Share This