Úttektir á gæðum í fullorðinsfræðslu

Gerður hefur verið samningur til þriggja ára við fyrirtækið Vaxandi ráðgjöf ehf. um að sinna úttektum á gæðastarfi samkvæmt viðmiðum EQM og EQM+. Eigendur fyrirtækisins eru Karl Frímannsson og Katrín Frímannsdóttir og með þeim starfar Erla Björg Guðmundsdóttir. Þessir aðilar stóðust allar kröfur sem gerðar voru til úttektaraðila og hafa mikla reynslu á fræðslumálum og gæðamati í skólastarfi.

Lesa meira »

Samstarfssamningur við Kompás þekkingarsamfélagið

Sveinn Aðalsteinsson framkvæmdastjóri Fræðslumiðstöðvar atvinnulífsins og Björgvin Filippusson stofnandi KOMPÁS Þekkingarsamfélagsins undirrituðu á dögunum samstarfssamning er styður markmið og starfsemi samningsaðila með öflugu samstarfi og í framkvæmd ýmissa verkefna. FA vistar nýstofnað Hæfnisetur ferðaþjónustunnar og fellur samstarfssamningurinn vel að þeim verkefnum sem þar er unnið að.

Lesa meira »

Snepill um raunfærnimat

Nýjasta tölublað Snepils var að koma út. Líkt og fyrri tölublöð er umfjöllunarefnið hin ýmsu svið og verkefni sem unnið er að hjá FA. Í þessu 6. tölublaði eru nýustu fréttir af raunfærnimati. 

Lesa meira »

Matsaðili - gæði í framhaldsfræðslu

Fræðslumiðstöð atvinnulífsins óskar eftir matsaðila til að sinna gæðaúttektum í fullorðinsfræðslu. Meginhlutverk matsaðila er að meta hvort upplýsingar fræðsluaðila uppfylli skilyrði og vinna í samstarfi við FA að þróun gæðakerfisins.

Áhugasamir sendi verðtilboð til Fræðslumiðstöðvar atvinnulífsins ásamt upplýsingum um hæfni og reynslu af úttektum, fyrir 1. mars 2017.

Lesa meira »

Námskeið fyrir umsjónarmenn greininga

Haldið verður námskeið fyrir umsjónarmenn greininga hjá Fræðslumiðstöð atvinnulífsins Skipholti 50b, dagana 27. og 28. febrúar n.k. Námskeið er alls 12 klst. (2x6) en að auki er gert ráð fyrir undirbúning 3-6 klst. Leiðbeinendur eru Halla Valgeirsdóttir og Guðmunda Kristinsdóttir.

Lesa meira »

Þjálfun vegna raunfærnimats

Fræðslumiðstöð atvinnulífsins mun bjóða upp á námskeið um raunfærnimat 23. og 24. febrúar  2017. Námskeiðið er ætlað matsaðilum, náms- og starfsráðgjöfum og verkefnisstjórum sem koma að raunfærnimatsverkefnum.  Einnig eru hagsmunaaðilar sem vilja kynna sér framkvæmd raunfærnimats velkomnir. 

Lesa meira »

Sérfræðingar í fullorðinsfræðslu

Fræðslumiðstöð atvinnulífsins ehf. óskar eftir að ráða 1-2 sérfræðinga í störf á sviði fullorðinsfræðslu, einkum við hæfnigreiningar og námshönnun. Um tímabundin störf er að ræða til eins árs en með möguleika á framlengingu.

Lesa meira »

Hæfnisetur ferðaþjónustunnar stofnað

Ferðamálaráðherra Þórdís Kolbrún R. Gylfadóttir skrifaði í gær undir samning við Fræðslumiðstöð atvinnulífsins og Stjórnstöð ferðamála, á grundvelli samþykktar Alþingis frá því í október 2016, um verkefnið Hæfnisetur ferðaþjónustunnar til að auka hæfni í ferðaþjónustu.

Lesa meira »